ရခိုင့်အတွေးအခေါ်

ရခိုင်လူမျိုး နန့်  အလုပ်သိက္ခာ

ဂနိ ညစာဘက်မှာ သူငယ်ချင်း တစ်ယောက် နန့်  အလာပသလာပ စကားစမြီ ပြောဖြစ်တေ။ သူငယ်ချင်းက ပြောရေ၊ အမေရိကန်မှာ အချေတိ အတွက် ငွေရေး ကြေးရေး ထောက်ပံကြေးပီးရေလတ်။ ယင်းတွက်တာ နန့်  ဒုက္ခသည် အဖြစ်နန့်  အမေရိကန်ကို ပြောင်းလားခကတ်တေ ရခိုင်မိသားစု တစ်စုစွာ သားသမီး နှစ်ယောက် အထောက်ဟိမ့်လို့  ထောက်ပံကြေးယူဗနာ ပေါင်ချေလှုပ်ကာ လီညင်းခံ မျိုင်းနီရေ လို့ ပြောပါရေ။ ယေကေ ကျနော်က မနီနိုင် မိန်းခွန်း လားထုတ် မိရေ၊ ယင်းသူရို့ ယကေ ဘ၀တွက်တာ အလုပ်မလုပ် ကတ်ဗျာယ်လာ လို့ လေး။ အူး... အစွာပိုင်ယောင်...ဖေသာ အလကား ရနီလို့ ဗင် ခါးညောင်းခံဗျာ အလုပ်လုပ်ဖို့ လို သိမ့်လား လို့  ကျနော် ဘော်ဒါ က မျက်နှာကို ရှုံဗျာယ် တွန့် ဗျာယ် ပြန်ပြောရေထော...။
ကျနော် လည်း မထင်မှတ်ဘဲ ကကောင်း စိုင်းစားခန်း ၀င်လားမိပါရေ။ ဖေသာ ဟိမ့်နီကေ အလုပ် မလုပ် ကတ်ဗျာယ်လာ? ထိုင်ပြီးကေ ပေါင်ချေလှုပ်ကာ ထမင်းနှစ်နှစ် ကို အီးအီးသက်သာ ထိုင်စားကတ်ဖို့ ဗျယ်လာ? ဒေမိန်းခွန်းစွာ ကောင်း မိန်းသင့် မိန်းထိုက်တေ မုတ်လားချင့်။ တိုက်တိုက်ဆိုင်ဆိုင်မှာပင် ပြည်တွင်းထုတ် ဂျာနယ် တစ်စောင် မှာ ဂျပန် တိ အကြောင်းကို ရာ လားလို့ မျက်စိကျ ဖတ်မိခီဗျာယ်။ ဂျပန်တိ ဆိုစွာကတော့ သိကတ်တေ အတိုင်း ကမ္ဘာမှာ အလုပ် ကမ္ဘာလောက် လုပ်နိုင်ရေ လို့ နာမေ ထင်ရှား လူသိများရေ။ စာရီးဆရာ ချစ်စံဝင်း ရီးရေ စာအုပ်တစ်အုပ်မှာ ('ဂျပန်လူငယ်တစ်ယောက် အကြောင်း' လို့ ခေါ်ပါ၏) တဗျင်း အလုပ်လုပ်တေ ခသလုံးတုတ် ဂျပန်မ တစ်ယောက် အကြောင်းကို ၀ထုပုံပြင် သဖွေ ပြောပြရီးပြ ထားပါရေ။ (၀ထု သဖွေ ဖြစ်နီရစွာ က အလုပ်သိက္ခာ ကို တန်ဖိုး မထားတတ်ကတ်တေ အရှိတောင်အာရှသားတိ အတွက်ပါရာ)
ထိုး တစ်ရက်နိခါက အလုပ်ရုံ ဆွေးနွေးပွဲတစ်ပွဲမှာ ဂျပန်မ တစ်ယောက် စွာ ဟောပြောသူ အနီနန့်  တက်ရောက်လာ ပါရေလတ်။ ယင်း ဂျပန်မ သည် စင်ထက်ကို ခါးကော့ ရင်မော့ဗနာ တက်လားရေ။ နားထောင်ဖို့  အသင့်စောင့်နီရေ လူတိက တော့ များသောအားဖြင့် မဟာပုရိသ ယောက်ျားသား ဗမာတိုက်ပုံဝတ်တိ ဖြစ်ကတ်ပါလတ်။ ယင်းဂျပန်မ သည် ဇာမပြော ညာမပြော နန့် စင်ထက်ရောက်တေ အခါ ခသလုံး ကို လှန်ပြရေ ဆိုပါဝါ။ သူ့ ခြီသလုံး က ယောက်ျား ခြီသလုံး ပိုင် အကြီးသန်ပါလတ်။ ယေကေ မဟာဗမာတိုက်ပုံဝတ် တိသည် ကောင်းအံအားသင့်လား ကတ်ပါ၏လတ်။ ခသလုံးတုတ် ဂျပန်မ ဂုဏ်ယူစွာ ပြောစွာ က ဂျပန်နိုင်ငံကို ဒေပိုင်မျိုး ခြီသလုံးပေါင်း မြောက်မြားစွာ နန့် တည်ဆောက်ထားပါရေလတ်။
နားမရှင်း ကတ်တေ လူတိအတွက် အနှီ ဂျပန်မ က ထပ်လို့ ရှင်းပြပါ၏တည်း။ ယင်း ဂျပန်မရေ ဘေဘီဘုန်မာ လက်ထက်က အရောင်းစာရေး ဖြစ်ခရေ လို့ ပြောပါရေ။ (ဘေဘီဘုန်မာ Baby boomer ဆိုစွာ က ဒုတိယ ကမ္ဘာစစ်ပြန်တိ မွီးထုတ်ပီးလိုက်တေ အင်မတိ အင်မတန်များပြားရေ လူသားမျိုးဆက်တစ်ခု ဖြစ်တေ။) သူအရောင်းစာရေး ဖြစ်ခါက ရှစ်နာရီ ဒေါက်လျှောက် လုံးဝ မထိုင်ဘဲ အလုပ်လုပ်တေ အတွက်တာ နန့် သူ့ ခြီသလုံး အဂုပိုင် ကြီးနီရခြင်း ဖြစ်တေလို့ ပြောပါရေ။ ချရှင်းချေ ပြောစွာက တော့ ဂျပန်တိ စွာ ရခိုင်၊ ဗမာ လူမျိုး နန့် မတူအောင် အလုပ်လုပ်တေ လို့ ပြောစွာပါရာလေး။
ကျနော် သည် ကား ရခိုင်လူမျိုးကို သိက္ခာချဖြို့ မရီရွေပါ။ ရခိုင်လူမျိုးမှာ ထားရေ အလုပ်သိက္ခာ စိတ်ဓာတ်သည် တခြား အရှိတောင်အာရှသား တိ နန့် ကောင်းမကွာပါ။ လောကမှာနီထိုင်ရေး ကို အလွယ်ချေ တွက်တတ်တေ လူမျိုးတိ ထဲမှာ ပါနီပါရေ။ ထမင်းနှစ်ထပ်စားဗနာ အီးအီးချမ်းချမ်း နီရကေ တော်ရာ နင်းရာဝေး ဆိုပြီးကေ မိဘတိ ပြောကတ်တေ စကားကို ကြားဖူးကတ်ပါဖို့ ။ ယင်းဓလေ့ စရိုက်တိသည် ကျနော်ရို့  နှလုံးသားမှာ စွဲဝင်နီ သဖြင့် ထုတ်ရခက်သည်။ နုတ်ရခက်ပါသည်။ လှုပ်ရခက်သည်။ ဖြုတ်ရခက်ပါသည်။
ဓလေ့ရိုးရာ အတွေးအခေါ်က သင်ပီးစွာက လူများချမ်းသာကေ မုတိတာ ပွားပီး။ သူရို့ အတိတ်ကံ ကြောင့်ချမ်းသာစွာ မိစ္ဆိရ စိတ်မပွားကေ့။ ဇာလေးချင့် စကားတလုံး မိစ္ဆိရစိတ်။ မနာလို ၀န်တိုစိတ်၊ သ၀န်တို ရန်လိုစိတ် တစ်မျိုးပါ။ နောက်ပြီးကေ နားဝင်အောင် နားချသိမ့်ရေ - ဟိစွာချေနန့် ရောင့်ရဲဝေ စိတ်ချမ်းသာဖို့  အရေးကြီးရေ၊ လူချမ်းသာဖို့ မလိုလတ်။ မမှန်လို့ က မပြောလိုပါ။ မငြင်းလိုပါ။ မကောင်းလို့ လည်း မတွေးချင်ပါ။
လေကကြီးမှာ တစ်ခြားလူမျိုးတိ က ကိုယ်ချမ်းသာလို့  ကြီးပွားနီကတ်တေ။ လူချမ်းသာလို့  ထင်ပေါ်နီကတ်တေ။ ငါရို့ ရခိုင်လူမျိုးကား စိတ်ချမ်းသာ ခြင်းမှာ နစ်မြုပ်နီကတ်လို့  ကိုယ်မချမ်းသာ ဖြစ်နီကတ်ရရေလား။ ဘုရားရှင်က မဇ္ဖိမ္မ ပတိပတာ လို့ ဟောဖူးရေ လို့ မှတ်သားဖူးပါရေ။ အလယ်အလတ်လမ်းဆိုစွာ က ထိုဖက်ဒေဖက်ကို နှိုင်းယှဉ်ရပါရေ။ စိတ်ချမ်းသာမှု အစွန်းက တစ်ဖက်၊ ကိုယ်ချမ်းသာမှု အစွန်းက တစ်ဖက်၊ နှစ်ဖက်ဟိစွာမှာ အလယ်မှာ နီရပါဖို့ ။ သို့ သော် ယင်းအလယ်နေရာ ဇာမှာလေ ဆိုစွာ သတိတမန် ဥာဏ်မြေကတုတ် အမြဲကြိုးကုတ် အားထုတ် ရှာဖွေ နီရပါဖို့ ။ ဥပမာ ပြပါမည်။ ၁၂ လက်မ ဟိမ့်ရေ ပေတံ တစ်ချောင်းမှာ အလယ်က ဇာလေ။ ၆ လက်မ မဟုတ်လား။ ယင်းပေတံ၏ တစ်လက်မစွန်းကို စိတ်ချမ်းသာမှု နေပယ်လို့ သဘောထား၊ ၁၂ လက်မစွန်းကို ကိုယ်ချမ်းသာမှု လို့ သဘောထား။ ဗုဒ္ဒဘာသာ ကျနော်ရို့ ၆ လက်မနီရာမှာ နီကတ်ပါဖို့ ။
ကောင်းဗျာယ်။ ကျနော်ရို့  ယင်းနေရာမှာ နီနီကတ်တေ။ သို့ သော် ကိုယ်ချမ်းသာမှု ဆိုရေ ၁၂ လက်မစွန်းက ရှည်ထွက်လခ ပနာ ၂၄ လက်မ ပေတံဖြစ်လားရေ။ သို့ သော် ကျနော်ရို့ က ၆ လက်မ နီရာမှာ နီတုန်းသိမ့်။ ၂၄ လက်မ ကနီ ၃၆ လက်မ ဖြစ်လခကေလေ့သော့် ကျနော်ရို့ က ၆ လက်မ နီရာမှာ နီကတ်တုန်းသိမ့်။ ဇာလောက် အထိ ကျနော်ရို့ ၆ လက်မ နီရာမှာ နီကတ်ဖို့ လေး။ ဇာအချိန်ထိ နီကတ်ဖို့ ယင်းနီရမှာ။
ကျနော်ရို့ ၏နီရာ အလယ်အလတ်သည် ထိုဖက်အစွန်းက ရှည်ထွက်နီ သရွေ့ တခါလေ့ တည်မြဲသော အလယ်အလတ် မဖြစ်နိုင်ပါ။ အလယ်အလတ်သည် ပြောင်းနီပါသည်။ ၃၆ လက်မ ပေတံ အတွက် အလယ်အလတ် သည် ၁၈ လက်မ နီရာ ဖြစ်ပါဖို့ ။ ၆ လက်မ နီရာ မဟုတ်ပါရာ။ ယင်းတွက်တာ နန့် အဆုံးသတ်ကြည့်ကတ်ဖို့  ဆိုကေ ကျနော်ရို့ သည် လှုပ်ရှားရုန်းကန်နီသော ကမ္ဘာကြီးမှာ ၀င်ဆန့် အောင် အမြဲတမ်းရုန်းကန် နီကတ်ရပါဖို့ ။
အလုပ်သိက္ခာ နန့် ပတ်သက်လို့  ခိုင်မြဲရေ အတွေးအခ်ါတစ်ခု ချလို့ အလုပ်လုပ်ရပါဖို့ ။ ကိုယ်လုပ်တေ အလုပ်မပြီးကေ ရှက်တတ်ရဖို့ ။ အလုပ်တာဝန်မယူနိုင်ကေ လူတောထဲကို မတိုးချင်ရေ စိတ်မျိုးထားရဖို့ ။ အလုပ်မလုပ်ဘဲ ထမင်းမစားချင်ရေ စိတ်မျိုး မွီးမြူရဖို့ ။ ယေမှရာ ကျနော်ရို့ လူမျိုးသည် တခြားလူမျိုး နန့် ယှဉ်နိုင်ပါဖို့ ။

ဆက်ဗျူးမယ် ===>>

The Tribes of Myanmar (Burma): Rakhine State

ဆက်ဗျူးမယ် ===>>

ဆရာ ဒကာ ဂျီတော့ ချက်တိန် စာပီ စကားဝိုင်း

ကိုယ်တော် … တကာတော် နီကောင်းလားဂု
ဆရာတော် အဂု ချင်းမိုင်ကို ကြွရောက် သာသနာပြုနီရေဂါး

ဒကာ … နီကောင်းပါယင့် ဆရာတော်။ တပည့်တော်လေး သာဓုခေါ်ပါ ယင့်
ဪ ဟုတ်ပါlလား။ ဆရာတော် ဇာခါပြန်ပါဖို့ လေး

ကိုယ်တော် … ထိုင်းမချေတိ လှလို့ ထိုင်းက ပြန်ရဖို့စွာ တစ်စိချေ စိုးရိမ်နီရေ

ကိုယ်တော် … 24 တနားချေက လေယဉ်လက်မှတ် ဘိုကင်လုပ်လိုက်တေကား

1:35 AM ဒကာ : ဆရာတော် တောင်ကား ဈာန်လျှော လားနိုင်ပါရေ.

ကိုယ်တော် … ဟုတ်တေ ဟုတ်တေ

1:36 AM ဒကာ … ဆရာတော် ကျန်းခန်. သာလို့မာပါရေမလား

1:37 AM ကိုယ်တော် : မာရေ တကာ

1:39 AM ဒကာ : တပည့်တော်လေ့ ယင်းပိုင် ကြားရစော် ကိုယ်စိတ်နှလုံး ဖရန ပီတိ ဂွမ်းဆီထိရေ ပိုင် ခံစားရပါရေ

ကိုယ်တော် : ကျန်းခန်းသာလို့မာရေပိုင် မျက်စိလည်းကောင်းရေအတွက် ထိုင်းက တကာမချေရို့ အလားကားဖော်ပြပီးထားရေ အလှတိကိုလည်း လွတ်လွတ်လပ်လပ် ခံစားနိုင်ရေ

1:43 AM ဒကာ : ကိုယ်တော် မြသလွန်စောင်တန်း တရား မှန်းပနာ ဇာခါမှေ: စက် အ နားယူတော် မူပါဖို့လေး

1:44 AM ကိုယ်တော် : ဆွမ်းနန့် ရောစားလို့ မရရေ တကာမချေတစ်ယောက်နန့် စကားပြောနီလို့ ကျိန်းစက်ချိန်နည်း နည်းနည်းပါးပါး နောက်ကျစရာ အကြောင်းရှိရေ တကာတော်

1:46 AM ဒကာ : တပည့်တော်လေး လက်စုံ ဆယ်ဖြာ ထိပ်မှာ တင်လို့ ကိုယ်တော်ကို ရည်မှန်း ကန်တော့ပန်း ဆင်ပါယင့်
1:47 AM တပည့်တော်လေး လက်စုံ ဆယ်ဖြာ ထိပ်မှာ တင်လို့ ကိုယ်တော်ကို ရည်မှန်း ကန်တော့ပန်း ဆင်ပါယင့်

1:49 AM ကိုယ်တော် ရွှင်လန်းကြည်သာ အွန်လိုင်းမှာ ရှိပါသီးလာ:
ကိုယ်တော် : ဟိသိရေ

1:52 AM ဒကာ : တခါတရီ အွန်လိုင်: အစုတ် ဝင်ပနာရှုပ်ကေ ဘုန်းကြီးရဟန်း လည်း လက်ပန်းတကျ ဖြစ်ကတ်ရရေ ကား
________________________________________ 11 minutes
2:04 AM ကိုယ်တော် : ဖြစ်လည်း ဖြစ်ဖူးဗျယ်
2:05 AM လက်ပန်းကျ လှုိင်းတိလီတိကြးမာ အစုန်အဆန်ကူးခတ်ယင်း
________________________________________ 53 minutes
2:58 AM ဒကာ : တောက်ပ မျက်လုံး အပြုံးမျက်နှာ ဂျီတော့မှာ အသူ့ပုံပါလေ့ ဆရာတော်

ကိုယ်တော် : တကာမချေ
အဂုပြောနီရေ တကာမချေပုံ

2:59 AM ဒကာ : မြင်သူရူမ၀ ကောင်းလှပါထော ၊ တပည့်တော်ကိုပီးပါပလင်

3:01 AM ကိုယ်တော် : ဖြစ်ဖို့လားဂု ဘုန်းကြီးလက်ထွက်ဆိုကေ တစ်ခုလည်း မကျန်ဗျယ် ဘုန်းကြီးတိသုံးရေ ရေဒီယိုကိုကြည့်ဖိ

3:04 AM ဒကာ : တပည့်တော်တယောက်၊ စိတ်တိဖောက်ဗျယ် ရည်းဇားတိရာ လိုချင်နီလို့ပါ

ကိုယ်တော် : ဒေဘုန်းကြီးလည်း ယပိုင်ကားဒေ ထိမ်းမနိုင်သိမ်းမရ မယားလိုချင်စိတ်ကို

3:08 AM ဒကာ : ကာမဂုမ်ကို အာရုံတော်မှာ တွယ်မိလိုက်တိုင်း ဈာန်ယိုင်လျှောခ ရေ သာဓက တိလေး မနည်း မနောပါ ကား။ ဘုန်းကြီးကိုစာချသည်ကားမဟုတ်။ သိစော်ကိုမပြောပြကေ သောကရောက် လို့ ပါ အရှင်ဘုရား

3:09 AM ကိုယ်တော် : ဟား ဟား
တကာကြီးလည်း တိုးတက်မှုဟိလို့ ကဗျာနန့် စာနန့် စကားတိ ပြောတက် ဟောတက်လာဗျာယ် တကာတော်

3:14 AM ဒကာ : ဆရာတော်ရို့၏ ပြောပြသင်ပြ မဟိခကေ၊ တောကြိုတောင်ကြား၊ ဇနပုပ်ကြားမှာ၊ ပညာမဟိ၊ သုတနတ်ထိ နဲ ရိုင်းစိုင်း တိရိဆန်၊ ဖြစ်နိန်ပါဖို့ဟန်…
3:18 AM ဆရာတော်ဘုရား၊ အလုပ်များကေ၊ စာပီစကားဝိုင်း၊ ရွှီ:ဆိုင်းထားကတ်ပါမေ

ကိုယ်တော် : ဟား ဟား
ရီမြီခြားလို့ ပိုလွမ်းရေ
အဂုထိုင်းကိုရောက်နီရေ ယေခါ သီရိလင်္ကာက ကုလားမချေကိုလည်းလွမ်းရေ မြန်မာပြည်က တကာမချေကိုလည်း လွမ်းရေ

1:20 PM ဒကာ : သိရိလင်ကာ ကုလားမ၊ မြန်မာပြည်က တကာမ၊အစစရို့လည်း အပုပ်ကောင်ကို ရုပ်ဆောင်ထားရေ ပုထုဇဉ် ဣထိယ ဖြစ်ရသည် သကာလ၊ ခန်ဒါနမ်ရုပ် အကောင်ပုပ်တိ ပါရာ

1:22 PM ကိုယ်တော် : မှန်ပေသည် တကာကြီး သို့ပါသော်လည်း ပုထုဇ္ဇနောဥမ္မတ္တကော ဟူသည့်အတိုင်း ဆရာတော်အစရှိသော် ပုဂ္ဂိုလ်တို့သည်လည်း ပုထုဇဉ်မျှသာ ဖြစ်သေးသောကြောင့် တကာမ အလှပချေတိနှင့် ကင်း၍မရနိုင်သေးကြောင်းပါ တကာကြီး
1:27 PM ဒကာ : ဂနာမြိုင်ထဲ ဒကာမတိကို ဝေးပနာ တောရပ်ဆောက်ခိုဖို့ မတိုက်တွန်: လိုသော်လည်း၊ မတ်တံဇာနိယ ပဏ်တိတော အဆိုဟိရေပိုင်၊ ပညာဟိရို့သည် အတိုင်းအဆကို သိဟိကတ်ပေရေ မဟုတ်ပါလား အရှင်

1:30 PM ကိုယ်တော် : ဘုန်းတော်ကြီးများကို တောရိပ်တောင်ရိပ်၌ သီတင်းသုံး၍သာ တရားကျင့်ကြံအားထုပ်သင့်သည် မြို့တွင်းရွာတွင်း၌ တကာမအစရှိသော မာတုဂါများနှင့် ဆက်ဆံ၍ နီထိုင်ခြင်းငှာ မသင့်ဟူသော်အမြင်သည် လုံးဝမှားပါသည် တကာကြီး။ ဘုရားသျှင်သည်ပင် လေးဆယ်ငါးဝါကာလပတ်လုံး ၀ါလေးဆယ်ခန့်ကို ဖွံ့ဖြိုးတိုက်တက်သော မြို့ကြီး ရွာကြီးများ၌သာ အချိန်ကုန်ခဲ့ပါ၏ တကာကြီး

1:38 PM : ဒကာ ... ဘုရားရှင်သည်ကား သဗညုတ ညာဉ်တော်ကိုရရှိခ သည်နှင့်အညီ၊ သုံးလူနတ်သားအကျိုးများစီဖို့ တရားဓမ ဆိုဆုံးမလို့၊ မြို့ရပ်မြို့ရွာ၊ လှည့်လည်တရား ဟောကြားခစော်ပါ။ ဣထိယရို့နှင့် ကိလေသာ ကာမဂုံ ကိုကား ဝီးစွာရှောင်ကွင်း နိဗန်ရောက်ကြောင်းတရားတိကိုရာ ဟောကြားမိမှာ ဆုံးမတော်မူခ စော်မဟုတ်ပါlလား?

ကိုယ်တော် : အိမ်း… အိမ်း… အိမ်း… ဟုတ်ဗျာယ် ဒကာ။ အချိန်လေး လင့်ဗျာလ်။ ဝတ်တက်ဖို့ အချိန်ကျ ခွဲကတ်မေ ဖိ။

ဒကာ : တင်ပါ ဘုရား။

ဆက်ဗျူးမယ် ===>>

အိန်ပိရိစီစီမ် (Empiricism)

ပြီးခရေ အခေါက်က ဒေးဗိဟုန်း အကြောင်းကို ရီးစွာမှာ အိန်ပိရိစီစိမ် ဆိုရေ ၀ါဒ တစ်ခု ပါလာပါရေ။ ယင်းဝါဒ ကို စကေ အကျဉ်းချုံး လို့ တင်ပြလားပါဖို့ ။

အတွေ့ အကြုံက နီပြီးကေ အသိပညာ ကို လက်ခံရဟိရေ ဆိုရေ ၀ါဒ ကို အိန်ပိရိစီစိမ် လို့ ခေါ်ကတ်ပါရေ။ တစ်စုံတစ်ခု ကို ငါရို့ ဇာပိုင်သိနိုင်ကတ်ရလေ ဆိုရေ အတွေးမျိုးနန့် ပတ်သတ်လို့  မတူညီရေ အတွေးပေါင်း အများကြီး အနောက်တိုင်း အတွေးအခေါ် လောက မှာ ဟိမ့်ကတ်ပါရေ။ အိန်ပိရိစီစိမ် သည် ယင်းအတွေးအများကြီးထဲ က တစ်ခု ဖြစ်ပါရေ။

ဒေနေရာမှာ အတွေးအခေါ်လောက က အစိတ်အပိုင်း တစ်ချို့ ကို ဖော်ပြလားပါမေ။
အတွေးအခေါ်ပညာ ဖလောဆော်ဖီကို လေ့လာကေ
၁။ Metaphysics ရူပဗေဒ အလွန် ပညာ (ဥပမာ - စိတ် နန့် ပတ်သတ်လို့  စိုင်းစားရစွာမျိုး)
၂။ Epistemology အသိပညာ အပိုင်းပညာ ( ဥပမာ - ဇာဟင့်ကို အသိပညာလို့ ခေါ်ကတ်ဖို လဲ၊ ယင်း အသိပညာကို ဇာပိုင် ရနိုင်ကတ်ဖို့ လဲ၊ စသည်ဖြင့်)
၃။ Ethics ( ဇာအမှားလဲ၊ ဇာအမှန်လေ၊ လောက နိတိ လို့ ခေါ်ရဖို့ လားမသိ)
၎။ Logic (ယုတ္တိဗေဒ)

အစ ရှိသည် ဖြင့် အစိတ်အပိုင်းတိ ဟိမ့်ကတ်ပါရေ။ ယင်းထဲကမှာ အိန်ပိရိစီစိမ် ၀ါဒ သည် Epistemology အတ်ပိစတိမိုလိုဂျီ ထဲက ဖြစ်ပါရေ။

အိန်ပိရိစီစိမ် သည် အတွေ့ အကြုံ နန့် သက်သီပြချက် ကို အခြေခံ ထားရေ ၀ါဒ ဖြစ်ပါရေ။ အထူးသဖြင့် အာရုံခံ အင်္ဂါက သိရမြင်ရ စွာကို အခြေခံပါရေ။ လူမှာ မွီးရာပါ အတွေးအခေါ် ဆိုစွာမျိုးကို လက်မခံပဲနန့် အာရုံခံစားမှုဖြင့် သိလာရေ အတွေးအခေါ်မျိုးကို ရာ လက်ခံရေ ၀ါဒ က အိန်ပိရိစီစိမ် ဖြစ်ပါရေ။

သိပ္မံ အတွေးအခေါ်မှာ လက်တွိ လုပ်ကြည့်လို့ ရလာရေ သက်သီပြချက် ခိုင်မာမှုကို မှ သိပ္မံနည်းကျ အတွေးအခေါ်လို့ ခေါ်ရေ မဟုတ်ပါလာ။ ယင်းချင့်သည်ပင် အိန်ပိရိစီစိမ် ၀ါဒ ၏ အသက် ဖြစ်ပါရေ။ အမြင်တိ အတွေးတိ ကို လက်တွိကျ မကျ စမ်းသပ်ပြီးခါမှ လက်ခံရေ အမြင်မျိုးကို အိန်ပိရိစီစိမ် ၀ါဒ လို့ ခေါ်ပါရေ။ မြင်ရမှာ ယုံမယ် ဆိုရေ ၀ါဒမျိုးဖြစ်ပါရေ။

ဆက်ဗျူးမယ် ===>>

အတွေးအခေါ်ပညာသျှင် ဒေးဗိဟုန်း(မ်)

ဒေနိတော့ခါ ဒေးဗိဟုန်း နန့် မိတ်ဆက်ပီးလိုက်ဖို့  ရေရွေပါရေ။

ဒေးဗိဟုန်း (David Hume)

ဒေးဗိ သည် စကော့လူမျိုး အတွေးအခေါ်ပညာသျှင်၊ စီးပွားရေး ပညာသျှင် နန့် သမိုင်းဆရာ တစ်ယောက်ဖြစ်ပါရေ။ သူ့ ကို ၁၇၁၁ ခုနှစ်မှာ မွီးလို့  ၁၇၇၆ မှာ သီပါရေ။ ရခိုင်ပြည် ဗမာလက်အောက်ကို မကျခင် စကေချေ လောက်မှာ သီလားပါရေ။ (ဒေးဗိဟုန်း မသီကေလေ့ ရခိုင်ပြည်က တော့ ဗမာ လက်အောက်ကို ကျဖို့ စွာမှာ ကျဖို့ စွာပါရာ။)

ဒေးဗိဟုန်း သည် အနောက်တိုင်း အတွေးအခေါ်လောက နန့် စကော့လူမျိုးတိ၏ ဥာဏ်ပညာပွင့်လင်းလာရေ
ခေတ်မှာ အထင်ကရ ပုဂ္ဂိုလ် တစ်ဦး ဖြစ်ပါရေ။

ဒေးဗိဟုန်း ကို ဂျင်လော့(က်)(John Locke)၊ ဂျော ဗာကလေ (George Berkeley)နန့် တခြား ဗြိတိသျှ အိန်ပိရိစိ (British Empiricist)တိ နန့်  တစ်အုပ်စု တည်း တွဲထားကတ်ပါရေ။ ဂျင်လော့၊ ဂျော ဗာကလေ နန့်  ဗြိတိသျှ အိန်ပိရိစိ တိ အကြောင်းကို နောက်ပို့ တစ်ခု မှာ အကျယ်တ၀င့် တင်ပြလားပါမေ။ ဒေးပိဟုန်း နာမေ ထင်ပေါ်ရစွာလေ့ သော့ သူ၏ အိန်ပိရိစိ အတွေးအခေါ် ကြောင့် ဖြစ်ပါရေ။

ဒေးဗိဟုန်း ဘ၀သက်တမ်းမှာ ကတော့ခါ ရာဇ၀င်သမိုင်း ဆရာအဖြစ် ပိုပြီးကေ နာမေကြီးခပါရေ။ သူရီးရေ ခြောက်အုပ်တွဲ အိန်ဂလန် ရာဇ၀င် စာအုပ်သည် ၁၉ ရာစုတိုင်အောင်ထိဗင် အရောင်းရ အကောင်းဆုံး စာအုပ်စာရင်း ၀င်ဖြစ်ပီးနာ အိန်းကလိ(ခ်ျ) သမိုင်းရာဇ၀င်ခန်း အတွက် နှစ်ပေါင်း အင်တန် ကြာအောင် စံပြစာအုပ်ဖြစ်ခပါရေ။

ဒေးဗိဟုန်း သည် သဘာဝကို အခြေခံ ဗနာ စိုင်းစားတွေးခေါ်မြော်မြင်မှုကို တိုးတက်ထွန်းကားအောင် ကြိုးစားခရေ ပထမဆုံး ခေတ်ပြိုင် အတွေးအခေါ် ပညာသျှင် ဖြစ်ပါရေ။ ယင်းခေတ် ယင်းအခါက အတွေးအခေါ်ပညာ လောကမှာ ခံယူထားကတ်စွာက - ထာဝရ ဘုရားသခင် ဦးနှောက်အလုပ်လုပ်ပုံ နန့်  အခြေခံ အတူတူ လူတိ၏ ဦးနှောက် အလုပ်လုပ်နီကတ်တေလို့  ဖြစ်ပါရေ။ ဆိုလိုစွာကတော့ခါ လူ၏ ဦးနှောက်သည် ထာဝရ ဘုရား၏ ဦးနှောက်ပုံစံတူ ပုစိကလောင်ချေ ဦးနှောက် တစ်ခု ဖြစ်တေ ဆိုပါလတ်။

ဒေးဗိဟုန်း သည် ယင်းအတွေးအခေါ်ကို ပယ်လိုက်ပါရေ။ ဘာသာရေး အတွေးအခေါ်ကို ဘေးဖယ်ဗနာ လူ့ သဘာဝကို သိပ္မံနည်း ကျကျ လေ့လာပါရေ။ အထူးသဖြင့် လူတိ၏ ဦးနှောက်ပိုင်း ဆိုင်ရာကို ဖွဲ့ စည်းထားရေ အခြေခံ ဥပဒေသ တိကို ရှာဖွေပါရေ။ ဒေးဗစ်ဟုန်းသည် သူ၏ အဂုပိုင် နယူတန်လုပ်ကိုင်ပုံ နန့် တူရေ အလုပ်ကို "လူသား ၏ သိပ္မံပညာ" လို့  ကင်ဗွန်း မှည့်ခပါရေ။

အိန်ဖိရိစိ အတွေးခေါ်ပညာသျှင် ဂျင်လော့ နန့် ဂျော ဗာကလေ နှစ်ယောက် သည် ဒေးဗစ်ဟုန်း ကို အင်တန်ချေလောက် လွမ်းမိုးပါရေ။
ဒေးဗစ်ဟုန်း အကြောင်းကို ဒေမှာ နားပါမေ။ နောက်ပိုင်း အတွေးအခေါ် ပညာသျှင်တိ နန့် သူရို့ ၏ ၀ါဒတိ အကြောင်းကို တတ်နိုင်သလောက် ဆက်တင်လားပါမေ။ သည်းခံ ဖတ်ရှုလို့ ကျေးဇူးတင်ပါယင့်။