မြို့စစ်တွေကပုံပြင်

အ၀ီးရောက်ငါ့လိပ်ပြာ
လွင့်မျှောရေ
ယင်းတနေရာမှာ
ကြားဖူးကတ်လာ
မြို့စစ်တွေလတ်......

ယင်းမြို့မှာ...
တချိန်က
မြူနှင်းဖြတ်လျှောက်တေ
အနီရောင်အကျီဝတ်
ကောင်မချေတယောက်ရှိရေ..........

ကျောင်းတတ်လမ်းကို ဖြတ်ဘျာလ်
ဆယ်နာရီ သုံးဆယ်အမှီ
အစိမ်းရောင်စကပ်နဲ့
အပြီးနှင်တတ်တေ.........

အတိတ်ကင်းရေ ရယ်သံချိုတိနဲ့
အပြစ်ကင်းရေ
သူငယ်ချင်းငါးယောက်
မိုးများရေ ယင်းအရပ်မှာ
မနိုငိထီးတလက်စီနဲ့
ီရီလျှံလမ်းမှာ
ရီစိုအပျော်မြူးလို့........

ကျောင်းပိတ်ရက်
စနီ တနင်္ဂနွိ တိုင်း
အကြောင်းပြ ပါဒကာသီးသုတ်ဘျာလ်
အတောမသပ်နိုင်ရေ
အခြင်းတိပြောခကတ်ယင့်......

ယင်းမြို့မှာလေ
ကမ်းခြေခေါ်ရေ
ပွိုင့်....
တနေရာလဲရှိရေ..
လီတသုတ်သုတ်နဲ့
လျှောက်ခရေ သူရို့ခြေရာတိ
အေတနိန့်တော့ ရှိလောက်ဖို့မထင်ဘျာလ်

လွမ်းလောက်တေ ယင်းမြို့ကို
အ၀ီးရောက်လေယာဉ်က ကြည့်ဘျာလ်
ရင်ထဲမျက်ရည်
ငါမရှက်တမ်းစိုခဖူးရေ...

အိုး...အရှင်...
တိုင်တည်ပါယင့် ဆုတခုပီးကေ
အနီးမရှိမြို့ မ၀ီးမရောက်ဖို့.........။

သဇင်ဖြူ

ဆက်ဗျူးမယ် ===>>

ပြန်ဒိုးမယ် ===>>

နာရို့ဆရာ

လောကအလယ်၊ မျက်နှာငယ်နန့်
ပြာမွဲဒယော၊ စုတ်ပြတ်ဟန်းဘတ်
ဖန်ထူမျက်မှန်၊ မြေဖြူကိုင်ယင်း
မမောမနွမ်း၊ မပန်းမလျှ
ကြိမ်တုတ်ကိုင်လို့၊ ဆိုချုန်းမရေ
နာရို့ဆရာ...။


နန္ဒဂိုဏ်းဝင်၊ အေအသျှင်ကား
တပည့်မရှား၊ တပြားမရှိ
ပီတိစားယင်း၊ အားရှိနီရေ
နာရို့ဆရာ...။

ရပ်ဝီးရောက်လို့၊ လျှပ်ပြက်ပြန်ပေါ်
ဆရာ့ပြုသွန်၊ထိုထိုအမှု
ကြီးမားမှုကြောင့်၊ ဂုဏ်ထည်တင့်ကြွ
လူလုံးလှအောင်၊ လမ်းပြခရေ
နာရို့ဆရာ..။

အခုအခါ...
အာစရိယ၊ ငါ့ဆရာကို
ပူဇော်ထောပနာ၊ ကန်တော့ချင်လည်း
ချိန်တော်နှောင်းခ၊ ဟောင်းကြွလားဗျာလ်
အို...နာ့ဆရာ
ကောင်းရာသုဂတိလားပါစီသောဝ်...။

RK-PHI

ဆက်ဗျူးမယ် ===>>

ပြန်ဒိုးမယ် ===>>

မြို့တော်ဟောင်း

တိမ်ပြာပြာ ကောင်းခင်အောက်က
လ်ိမ်မာရေ ယဉ်ကျေးမူ
စိမ်းပြာပြာနွယ်တိ ဖုံးနီဘျာလ်ထော၊

လားခရေနှစ်က မိုးရွာစွာနီမှာတောင်
သပ္ပယ်ရေ ဘုရားပေါင်း
လက်ချိုးရီမကုန်နိုင်ထော၊

စိမ်းညို့ညို့တောင်တန်းထက်က
မှုန်ဝါးရေ စေတီတဆူ
သမိုင်းမှိန်နိဘျလ်ထော၊

မီးခဲပြာဖုံး ပတ္တားမြားနွံနှစ်
ထိုက်တန်ရေတန်ဖိုး
အခုထိမရနှိင်သိထော၊

သူငယ်ချင်း သုံးယောက်
ကားတစီးနဲ ရယ်ယင်းမောယင်း
တစ်နိကုန် ပတ်စွာတောင်
မကုန်နိုင်ခထော၊

နောင်လာရေနှစ်
များမကြာခင်
ဂုဏ်ရောင်တ၀ါဝါ ရှိစီချင်ယင့်ထော၊.............။

သဇင်ဖြူ
(မြောက်ဦးမြို့ ဘုရားဖူးအမှတ်တရ)

ဆက်ဗျူးမယ် ===>>

ပြန်ဒိုးမယ် ===>>

အိုး ရက္ခိတရို့ 

ဘ၀င်မသန့် 

မပျင်ဝံ့လို့ 

သဇင်ရနံ့  မရှူထိုက်တေလူတိ ….။

အမျိုးစပျောက်

ပိုးကျဖောက်လို့ 

ရိုးမအောက်ကို မပြန်ဝံ့ရေလူတိ ….။

ရင်ဝယ်အမှား

ခင်တွယ်ထားလို့ 

ပင်လယ်နားကို မလာဝံ့ရေလူတိ ….။

အမျိုးသီလ နှစ်ဌာနကို

ပြည့်ဝမဏ္ဍိုင် စောင့်ထိန်းနိုင်မှ

ရခိုင်ပီဟု ၀ိဂြိုဟ်ပြုခ

စာစုသခင် သမိုင်းတွင်ရေ

အသျှင်နာဂိန္ဒ ဆိုဆုံးမဖို့ 

ဗျာလ္လစီးလို့  လာဗျယ်ထော …..။

စစ်တွေ ညိုသန့် 

ဆက်ဗျူးမယ် ===>>

ပြန်ဒိုးမယ် ===>>