Sauve House မှာ ဒေနှစ် Scholar တိနန့် Mcgill မိသားစု မိတ်ဆုံစားပွဲ

မိတ်ဆုံစားပွဲကို ၂၀၀၈ ခုနှစ် နိုဝင်ဘာ ၃၀ ရက်နိက Dr. Penfield Avenue က Sauve အိမ်တော်ဝင်းခန်းမဆောင်မှာ ကျင်းပပါရေ။ ကမ္ဘာတစ်ဝှမ်းကနီ Montreal ကိုရောက်လာကတ်တေ Scholar ၁၂ ယောက်ကို အမှုးပြုပြီးကေ ကျင်းပရခြင်းဖြစ်ပါရေ။

McGill တက္ကသိုလ် ကျောင်းအုပ်ကြီး ဟီသာမုန်ရိုး ဘလင် Heather Munroe-Blum ကို အထူးပြုပြီးဖိတ်မှန်တက ပြုထားလို့  သူက အမှာစကား တက်ရောက်ပြောကြားပါရေ။ သူက ပြောစွာမှာ လူငယ်ခေါင်းဆောင်တိကို Montreal နန့် ဆက်စပ်မိဖို့ ၊ McGill တက္ကသိုလ် နန့် ဆက်စပ်မိအောင်လို့  အမြဲတမ်းလက်ကမ်းလို့ ကြိုပါရေ လတ်။ အဂုလက်ရှိ ဆယ့်နှစ်ယောက်သော စကော်လာတိ သည် နောက်နှစ်ခါ ကျောင်းသားဟောင်းတိဖြစ်လားပြီးတာလေ့သော့ အကျွန်ရို့ က McGill မိသားစု ၀င်အဖြစ် ဂုဏ်ယူစွာ လက်ခံပါရေ လို့ ပြောပါရေ။ ဆက်ပြောစွာကတော့ခါ ဆိုဗေးဖောင်ဒေးရှိန်း Sauve Foundation နန့်  Mcgill စွာလည်းပဲ ဂုဏ်ထူးဆောင်မိတ်ရင်းများ ဖြစ်ကတ်တေလို့  ပြောလားပါရေ။

နှစ်စဉ်နှစ်တိုင်းမှာ The Jeanne Sauve Foundation သည် ကမ္ဘာတစ်ဝှမ်းလုံးက လူငယ်ခေါင်းဆောင် ၁၂ ယောက် (သို့ ) ၁၄ ယောက်လောက်စီ Montreal ကို ဖိတ်ခေါ်ပါရေ။ အကြောင်းက Montreal မှာ ဟိရေ McGill တက္ကသိုလ်မှာ စာသင်ယူဖို့ ၊ သုတေသနပြုဖို့ နန့် စာပေဆွေးနွေးပွဲတိ လုပ်ဖို့ အတွက် ဖြစ်ပါရေ။ Mcgill တက္ကသိုလ်ကို စာပေပညာရှင်တိ အတွက် စာပေရပ်ဝှမ်းတစ်ခု အဖြစ် စွမ်းဆောင်ပီးနိုင်အောင်လို့ ပါ။ ဒေနှစ်အတွက် ကမ္ဘာတစ်ဝှမ်းက လာကတ်တေ လူငယ်စာပီပညာရှင် တိက တော့ခါ အာမေးနီးယား၊ ဘရာဇီး၊ ရခိုင်(ဗမာပြေ)၊ ကနေဒါ၊ အီစရေး၊ အီတလီ၊ ကာဂျစ်စတန်၊ နိုင်ဂျီရီးယား၊ အမေရကန် နန့်  အင်္ဂလန် နိုင်ငံများက ဖြစ်ပါရေ။

နိုင်ငံစုံ၊ ယှဉ်ကျေးမှုစုံ လင်သော လူငယ်ပညာရှင် အုပ်စုချေကို စုစည်းနိုင်ခြင်းသည်ပင် ဒေ စီစိုင်မှု၏ အောင်မြင်မှု ဖြစ်ပါရေ။ "Monteral ပိုင်မြို့ ပြမှာ ဒေပိုင်လူစုံ တက်စုံ ရောက်လာကတ်ရစွာက ကောင်းမိုက်ပါရေ။ ဒေ စီစိုင်မှု၏ အထူးခြားဆုံး ဖြစ်စဉ်ကတော့ခါ ကမ္ဘာ့တောင်ဘက်ခြမ်း မြောက်ဘက်ခြမ်းက လူငယ်ခေါင်းဆောင်တိကို ရအောင်ခေါ်ဆောင်ပြီးကေ ကမ္ဘာပိုကောင်းလာအောင် ဆွေးနွေး အဖြေရှာ ဖို့ လူငယ် အဆက်အသွယ် ရပ်ဝှမ်းတစ်ခု ဖြစ်မြောက်စွမ်းဆောင်နိုင်စွာ ဘဲ ဖြစ်ပါရေ" လို့ ဒေနှစ်အတွက် ရခိုင်ပြည်က ရောက်လာရေ လူငယ်ပညာရှင် တစ်ယောက်ဖြစ်တေ ပြုံးကျော် ကပြောပါရေ။

ဂုဏ်ထူးဆောင်ပုဂ္ဂိုလ် တစ်ဦးဖြစ်သူ Jeanne Sauve (ကွယ်လွန်)၏ သားဖြစ်သူ ဂျိန်ဖရန်ကွိုင်းဆာဗေး Jean Francois Sauve ကလည်းသော့ Jeanne Sauve Foundation နန့်  McGill တက္ကသိုလ်ရို့  မိတ်ဖက်ဆွေသဟာ ဖြစ်ရခြင်း ၏ အကျိုးကြီးပုံ ကို အလေးထား ပြောကြားလားပါရေ။ သူပြောပုံ အတိုင်း ပြန်ကောက်နုတ်ဖေါ်ပြရကေ တော့ "ဒေပိုင်မျိုး ဒေတက္ကသိုလ် နန့် အကျိုးရှိရှိ မိတ်ဆွေသင်္ဂဟ ဖြစ်ရခြင်းရေ အမှန်တကေ အရေးကြီးပြီးကေ ဒေ ဆိုဗေးပရိုဂရမ် အတွက် ထူးခြားရေ ဂဏ်ဒ တစ်ခုဖြစ်ပါရေ" နောက်ပြီးကေ ဆက်ပြောဖြစ်စွာက တော့ ဆိုဗေး အိမ်တော် ၏ သမိုင်းကြောင်းကောင်းခြင်းနှင့် တကွ ဖောင်ဒေးရှိန်း အတွက် ခိုင်မာရေ အုတ်မြစ်အခြေခံ တစ်ခု ဖြစ်နီရခြင်းကို ပြန်ပြောင်းအောက်မိန့် ဖွယ် ပြောကြားလားပါရင့်။

ဆိုဗေး စကော်လာ ပရိုဂရမ်အတွက် ဦးစီးဒါရိုက်တာ ဖြစ်သူ ဒီဇရီ မတ်ဂရော Disiree McGraw ကလည်း ပြောကြားသည်မှာ "ဒေပိုင် ဌာနက နေရာမျိုးမှာ အလုပ်လုပ်ရစွာ ဇာပိုင်နီလေလို့ တစ်ယောက်က မီးဖူးပါရေ၊ ဒေပိုင်မျိုး ကမ္ဘာတစ်ဝှမ်းက ရောက်လာကတ်တေ ထူးချွှန်ထက်မြက်တေ လူငယ်တိ နန့် တဒူတွဲ ပြီးကေ အလုပ်လုပ်ရစွာကတော့ကေ အမှန်တော့ ကိုယ် အိမ်မက်မက် စောင့်စားနီခရရေ အလုပ်မျိုး ကို လုပ်နီရစွာ နန့် တူပါရေ။ Montreal နန့် ခွဲခွာခရရေနောက်ပိုင်း အဂုပိုင်ပြန်ရောက်လာရပြီးကေ နိုင်ငံစုံ လူမျိုးစုံ အသိုင်းအ၀ိုင်းမှာ အလုပ်လုပ်ရဗနာ ဒေပိုင်မျိုး ထက်မြက်တေ လူငယ်ခေါင်းဆောင်းတိ နန့်  နိန့် စိုင်ထိတွေ့  နီရစွာ ကတော့ ကမ္ဘာလောက် ပျော်ရွှင်ဝမ်းမြောက်ဖို့ ကောင်းပါရေ။

"ကျနော်ရို့  ဒေအခွင့်အရေး ကို အရယူရပါဖို့ ။ ယေကေလေ့သော့ ကျနော်ရို့ မှာ တာဝန်ဟိမ့်စွာ ကတော့ခါ အတ္တဟိတ ကို ဖြည့်စည်းရေပိုင် ပရဟိတ ကိုလည်း ကြည့်ရပါဖို့ ။ ကိုယ့်တိုင်းပြေ ကို ကိုယ်ပြန်ဗနာ ကိုယ့်နန့် သက်ဆိုင်ရာတာဝန်အသီးသီးမှာ တာဝန်ယူပြီးကေ သူငယ်ချင်းမိတ်ဆွေတိကို အတွေ့ အကြုံတိ ပြောပြ၊ နောက်ပြီးကေ အပြောင်းအလဲ ချေတိ စကေ ဖော်ဆောင်နိုင်အောင် ကူညီဖေးမရပါဖို့ " လို့  စကော်လာတိ ကိုယ်စား အင်္ဂလန်နိုင်ငံက ကျောင်းဆရာ လည်းဖြစ်၊ ဆာဗေး ဆကော်လာ လည်းဖြစ်တေ ကိုအေးဝုတ်ဗိန်းကာ Edward Vainker က ခံစားချက်တိကို ဖော်ထုတ်လားပါရေ။

McGill တက္ကသိုလ် နန့်  Sauve မိသားစုရို့ ပိုင် နိုင်ငံစုံ အသိုင်းအ၀ိုင်း နှစ်ခု ဆုံဆီးမှုရေ ကမ္ဘာလောက် အံသြဖွေ ကောင်းနီပါရေ။ ထက်မြက်တေလူငယ်တိနန့်  ခန်းနားလှပရေအိမ်ကြီးရခိုင် နှစ်ခုပေါင်း က ဒေပရိုဂရမ် ကို လူများအားကျစရာကောင်းအောင် ဖော်ဆောင်ပြနီပါရေ။ ဘွဲ့ လွန်ဌာနက ဌာနမှူး ဖြစ်တေ ကိုမာတိန် ခရစ်ရိ(တ်) က ဆာဗေးအိမ်ကြီးကို တစ်ပတ်ပတ်လို့  ကြည့်ရှု လိုက်ပြီးနောက်မှာတော့ "ငါလည်း ဆာဗေး စကော်လာ ဖြစ်လိုက်ချင်ရေ" လို့  တရားဝင် ကြေညာလိုက်ပါ၏။

ရီးသူ ပြုံးကျော် (Sauve Scholar ၂၀၀၈-၂၀၀၉)
ဘာသာပြန်သူ မောင်စိုင်းစား

မှတ်ချက်- ရခိုင်သူ ရခိုင်သားများထဲက ဆာဗေး စကော်လာ နန့် ပတ်သက်လို့ စိတ်ဝင်စားမှု ရှိလို့ လျှောက်ထားချင်ရေဆိုလို့ဟိမ့်ခကေ rakhinephilosophy@gmail.com ကို စာရီးသားဆက်သွယ်နိုင်ပါရေ။
http://www.sauvescholars.org/newsroom/events_activities/reception
http://www.sauvescholars.org/en/