ရန်ဖြစ်ခြင်းနန့် ရန်ဖြစ်ကြည့်ခြင်း ( မြောက်ဦးက ဘီလူး ) ကို ထပ်ဆင့်ဆွေးနွေးသုံးသပ်ကြည့်ခြင်း

၁ ) ရန်ဖြစ်ခြင်းကို မြင်ကြည့်ရဖို့ဆိုကေ

ဘာသာရေး၊ လူမှုဆက်ဆံရေး ပုံစံအရ ရန်ဖြစ်ကတ်စွာနန့် ရန်ဖြစ်တေ အ၀ုိင်းအ၀န်းထဲမှာပါဝင်ရေ လူတိကိုအမှားလို့ ယေဘုယျလက်ခံတတ်ကတ်ကေလေ့ ………ရန်ဖြစ်ခြင်းဆိုရေ ဝေါဟာရရှိနီသမျှကာလပတ်လုံး၊ ကိုယ့်အကျိုးစီးပွား၊ ကိုယ့်ယုံကြည်ချက်၊ တိုးတက်ရာတိုးတက်ကြောင်း လမ်းကြောင်း တိကို လက်မခံစွာထက် ပျက်စီးရာပျက်စီးကြောင်း နှောင့်ယှက်ထိပါးလာခါဖြစ်စီ လူတစ်ဦးတစ်ယောက်အဆင့်၊ အသင်းအဖွဲ့တစ်ခုနန့်တစ်ခု၊ လူမှုအသိုင်းအ၀ိုင်းအချင်းချင်း၊ နန့် နိုင်ငံအဆင့်ရို့အားလုံးမှာ ရန်ဖြစ်စွာနန့် ကင်းနိုင်ကတ်ဖို့တော့ မထင်၊ ကျနော်ရို့ အကိုရို့ ကင်းလေ့ ကင်းနိုင်ကတ်ဖို့မဟုတ်။

ရန်ဖြစ်တိုင်း အဆိုးကြီးတော့ မဟုတ်တေပိုင် ရန်မဖြစ်တိုင်းအကောင်းဆုံးတော့မဟုတ်။ ရန်ဖြစ်ဖို့မလွဲမရှောင်သာကျကေဖြစ်ဖြစ်၊ တစ်စုံတရာတိုးတက်ဖို့ အတွက်ဖြစ်ဖြစ် ရန်ဖြစ်ကတ်ရဖို့။ ( ရခိုင်ရို့တိမှာ က မလွှဲမရှောင်သာပိုများရေပုံပေါ်ရေ )။ နောက်တစ်ခုက ရန်ဖြစ်စွာ မှာ နှစ်ယောက်စလုံးလေ့ မှားနိုင်ရေပိုင်၊ တစ်ယောက်ယောက်က မှားနိန်စွာလေ့ဖြစ်နိုင်ပြီးကေ နှစ်ယောက်စလုံးလေ့ အနည်းနန့်အများ သူ့အမြင်နန့် သူမှန်နိုင်ရေ။


၂) နိုင်ငံရေး၊တော်လှန်ရေး လုပ်တေလူတိအခင်းအကျင်း ပတ်ဝန်းကျင်

ရခိုင်တမျိုးသားလုံးရေ ဆင်းရဲကတ်တေ၊ ပညာရေး အဆင့်အတန်းနိမ့်ကျမှုရှိစွာကို အကြမ်းအားဖြင့် သဘောတူနိုင်ရေ။

ယကေလေ့…ဖဲသာမရှိလို့၊ ပညာမဟိလို့ နိုင်ငံရေးသမားတိ ရန်ဖြစ်တေဆိုစွာတော့ စေ့ချေလောက်ရာမှန်နိုင်ဖို့လို့ ထင်မိယင့်...အလုံးစုံအကြောင်းတရားတိတော့မဟုတ်နိုင်.။ အဂု နိုင်ငံရေးအ၀ိုင်းအ၀န်း (နိုင်ငံရေးပင်ပြောပြော၊အမျိုးသားရေးလို့ဆိုဆို၊ တော်လှန်ရေး လို့ပင်ခေါ်ခေါ် ) ယင်းမှာ ခေါင်းဆောင်နိန်ကတ်တေ လူတိကိုကြည့်ကေ...သာမာန် ရခိုင်သားတိထက် ပညာရေး ( အသိ၊ နန့် တွေးခေါ်မျှော်မြင်ပုံ)စွာ မနိမ့်ကျ...သူများထက်တောင်သာနိုင်သိမ့်ရေ။ တစ်ယောက်ချင်းစီလေ့ စားစရာမရှိလို့ လုပ်ကတ်တေလူတိဟုတ်ဖို့မထင် ။ သို့သော် သူရို့အားလုံ အလုံးစုံပြည့်စုံရေ လူတိတော့မဟုတ်…။ သာမန်ရခိုင်သားတိက ရခိုင်သားတိရာဖြစ်ကတ်တေ…။

အေခေတ်နိုင်ငံရေးစွာ စစ်အစိုးရကို အဓိက ပစ်မှတ်ထားလို့ဆန့်ကျင်ရရေအတွက်နန့် သမရိုးကျ နိုင်ငံတိမှာလုပ်ရစွာထက် ခက်ခဲကြမ်းတမ်းမှု မပြည့်စုံမှု၊ ပင်ပန်းဆင်းရဲမှု၊ သူတပါးတိုင်းပြည်မှာ ရေရှည်ရပ်တည်ရေးမတည်ငြိမ်မှု ရှိရေ။ ထောင်အချိန်မရွီးကျလားနိုင်ရေ။ ကျလေ့ကျကတ်တယ်…။တချို့ မိဘမောင်နှမ၊ ဆွေမျိုး၊ အနာဂတ်ဘ၀ရပ်တည်ရေးဖုံလုံမှု၊ ပညာရေး အစရှိရေ ဘ၀မှာအရေးကြီးရေ အစိတ်အပိုင်းတိကို စွန့်လွှတ်ပနာ လုပ်နီကတ်ရစွာတိဖြစ်ကတ်တေ။ Risk အများကြီးယူလို့လုပ်နီကတ်တေ။

လူမှုရေး၊ ပညာရေး လုပ်ငန်းတိမှာ သူ့အတိုင်းအတာနန့် သူအခက်အခဲရှိကေလေ့ ယင်းနန့် လားရေလမ်းကြောင်းမတူ။ သူရို့မှာ Risk နည်းရေ။ Risk များလို့ အစစ အရာရာစွန့်လွတ်ပြီးကေ နိုင်ငံရေး၊ အမျိုးသားရေး၊ တော်လှန်ရေး လုပ်တေ လူတိကို လဘောလို့မြင်ကေတော့ မတတ်နိုင်။ နိုင်ငံရေး အမျိုးသားရေးဆိုစွာ အဖိနှိပ်ခံလို့ လုပ်ကတ်ရစွာရာဖြစ်တေ…။ တိုင်းပြည်လူမျိုး တိုးတက်ပြီးသားဆိုကေ ယင်းလောက်လုပ်စရာမလို။



၃) ရခိုင် နိုင်ငံရေးသမားများ ကွဲကတ်၊ ခြမ်းကတ် ၊ပြသနာတက်ကတ်၊ စကားများကတ်ရခြင်းအကြောင်းရင်းတိကိုကြည့်ဖို့ဆိုကေ…


က) ယုံကြည်ချက်ချင်း၊ အတွေးအခေါ်၊ လုပ်နည်းလုပ်ဟန်၊ မတူစွာက တဆင့် personal အသွင်ပြောင်းလို့ ရန်ဖြစ်ကတ်ခြင်း၊

ခ) Personal အသွင်အပြင်မသင့်မြတ်မှုတဆင့် အတွေးအခေါ်၊လုပ်နည်းလုပ်ဟန်၊ယုံကြည်ချက်ချင်း ဆန့်ကျင်တိုက်ခိုက်ပြီးကေ အုပ်စုကွဲပြသနာတက်ကတ်ခြင်း၊

ဂ) နိုင်ငံရေးအခင်းအကျင်းက Personal အခွင့်အရေးရှာရေလူတိ၊ ကိုယ်ကျိုးအတွက် အသုံးချရေလူတိ၊ လူအများစု ယုံကြည်ကိုးစားမှုကို တန်ဖိုးမထားရေ၊ အလွဲသုံးစာလုပ်ရေလူတိကို အရေးယူသည့်အခါ ၄င်းနှင့်ဆက်စပ်ကာ ပြသာတက်ခြင်း၊ ရန်ဖြစ်ခြင်း

ဃ)တချို့ခေါင်းဆောင်နေရာ လိုလားခြင်း၊ ကြိုးကိုင်ချင်သည့် စိတ်သဘောထားများရှိနေခြင်း မိမိအပြင်အခြားလူများမရှိဟု အထင်ရောက်မှုတချို့ရှိနေခြင်း၊


(အေဖော်ပြချက်တိကိုကြည့်ကေ ဇာနိုင်ငံရေး၊ တော်လှန်မျုိုးမှာမဆို အနည်းနဲ့အများရှိစွာကိုတွိ့ကတ်ရဖို့။ မောင်ဖြူလာလာ…မောင်နီလာလာ ၊ ဒေါ်အောင်ဆန်းစုကြည်လာလာ..ကြုံကတ်ရှင်းကတ်ရဖို့ အခြေအနေတိဖြစ်တေ )



၎)ရန်ဖြစ်မှု၊ပြသနာတက်မှုတိနန့်ဆက်စပ်ပြီးကေ ရခိုင့်နိုင်ငံရေးသမားတိနန့် နိုင်ငံရေးအခင်း အကျင်းကို စိတ်ဝင်စားမှုနည်းပါးစေသည့်ထပ်ဆင့်အကြောင်းအရာတိ


က) ရခိုင့် နိုင်ငံရေး အ၀ိုင်းအ၀န်းနန့် ဆက်စပ်တေ အားမလိုအားမရဖြစ်ကတ်တေ လူတချို့က သူ့အမြင်နန့် သူ့အထင်နန့် စနစ်တကျ မဟုတ်ဘဲဝေဖန်ကတ်ခြင်းက တဆင့် (မီးလောင်ရာလီပင့်ဖြစ်စီသည့်) ပုံစံတိကတဆင့် လူအများစု နိုင်ငံရေးနှင့် နိုင်ငံရေးသမားတိကို အယုံအကြည်နည်းစီခြင်းဖြစ်ရပ်တိ

ခ) ပြသနာတရပ် (သို့) ရန်ဖြစ်စွာရှိတိရှိနိန်ကတ်ဗျာလ်ဆိုကေ လိုအပ်သည့်သတင်းအချက်အလက်တိကို စုံစမ်းပြီး စနစ်တကျ အကြံပီးပနာ ညှိုနှိုင်းပီးမှုများပြုလုပ်ခြင်း (သို့) မှန်သည့်ဘက်မှ မားမားမတ်မတ်ရပ်တည်အားပီးခြင်း အားနည်းခြင်း၊ မသိကျိုးကျွံနေကြခြင်း (သို့) ပေါက်လွတ်ပဲစား ရွီးသားပြောဆိုခြင်း


၅ ) ရန်ဖြစ်ခြင်း၊ စကားများခြင်းတိကို လျှော့ကျ စီနိုင်ဖို့အချက်တိ

က) မိမိတိုးတက်ရာတိုးတက်ကြောင်း၊ အမျိုးသားတိုးတက်ရာတိုးတက်ကြောင်းအတွက် မှန်ကန်သည့်အလုပ်ကို အခြေခံကာ မိမိကိုယ်တိုင်ကြိုးစားအားထုတ်ခြင်း၊ ဆောင်ရွက်ကြိုးပမ်းနေသူများကို ထောက်ခံအားပီးခြင်း၊ ပြသနာတက်နေလျှင် အတတ်နိုင်ဆုံးဖြေချင်းညှိုနှိုင်းကြခြင်း၊ ညှိုနှီုင်းပီးကြခြင်း၊

ခ) ပြသာနာဖြစ်သည့်အခါ မှန်ကန်သည့်ဘက်မှ မားမားမတ်မတ် ရပ်တည်လိုသည့်စိတ်ထားခြင်း၊ အဆိုးဆုံးအဆင့် ပြသနာမဆိုးရွားစေခြင်း၊ စိတ်လိုက်မာန်ပါ ပြောဆိုတတ်မှုများကို အတတ်နိုင်ဆုံးရှောင်ရှားခြင်း၊ သည်းခံနားလည်နိုင်အောင်ကြိုးစားခြင်း၊

ဂ) နိုင်ငံရေး၊ အမျိုးသားရေး လုပ်ဆောင်သည့် လူကြီးများအနေဖြင့် ကိုယ်ရေးကိုတာ မသင့်မြတ်မှုနှင့် လုပ်ငန်းခွင် (အဖွဲ့အစည်း ) အရေးများကို ခွဲခြားသိမြင်ကာ ရောထွီးမှုမရှိစီဘဲ ကျင့်သုံးလုပ်ဆောင်ခြင်း၊

ဃ) အကျင့်ပျက် ခြစားနေသူများ၊ သူများယုံကြည်မှုကို အလွဲသုံးစားလုပ်သူများကို ဦးဆောင်ဦးရွက်ဆောင်ရွက်ရမည့်ကိစ်စများတွင် ခေါင်းဆောင်အဖြစ်တင်ပေးသည့် အခြေအနေတိကို လက်မခံသင့်ခြင်၊

င) ပြသနာဖြစ်စေနိုင်မည့်အခြေအနေများကို ကြုံတွေ့လာလျှင် ရှောင်လွဲခြင်းထက် ပြေလည်အောင် ဖြေရှင်းချင်သည့်စိတ်ထား များမွီးဖွားပျိုးထောင်ခြင်း

စ) စနစ်တကျ ဝေဖန်ပိုင်းခြားနိုင်စေမည့် ဆွေးနွေးရေးစင်မြင့် တစ်ခုရှိဖိ့နန့် Narinjara ရို့မှာ မိမိရို့ အမြင်၊ သဘောထားတိကို ရှင်းလင်းပြောကြားသည့်အလေ့အထများ ဖန်တီးခြင်း၊

No comments:

Post a Comment

  © Free Blogger Templates Spain by Ourblogtemplates.com 2008

Back to TOP