စိုးရိမ်သောကရောက်နီရေ အီစရေးနိုင်ငံကို ပြန်ထိန်းချုပ်နိုင်ဖို့ ရည်ရွေသူ ဘန်ဂျမိန် နတန်ညာဟု

လွန်ခရေ ဆယ်နှစ်လောက်က ဘန်ဂျမိန် နတန်ညာဟု ကို အီစရေး ပြည်သူတိက နိုင်ငံခေါင်းဆောင် အဖြစ်က ဖြုတ်ချ ဗလိုက်ကတ်တေ။ ယင်းဖြုတ်ချရေ ပြည်သူတိ အသိဥာဏ်ထဲမှာ သူ့ နိုင်ငံရေး ပြိုင်ဘက်က ကတိပီးထားရေ ငြိမ်းချမ်းရေးတေးသံ နန့်  နိုင်ငံစံပြုတရားတိ က လွမ်းမိုးနီခရေ။ အဂုတော့ခါ ဘန်ဂျမိန် နတန်ညာဟု သည် နိုင်ငံရေး အစာမကြေမှု နန့် စစ်ဒဏ်ရာ ကြားမှာ မျှောနီရရေ အီစရေး နိုင်ငံမှာ အာဏာပြန်လက်ကိုင်ရ
ဖို့ စောင့်နီပါရာ။

ဂါဇာ က ဟမားစ်၊ လတ်ဘနုန် က ဟီစဘိုလာ၊ အီရန်က ညူးကလီးယား အစီအစိုင်
နန့် အီစရေး နိုင်ငံ၏ စီးပွားရေး ကျဆင်းမှု။ ယင်းစွာအားလုံးက နတန်ညာဟု အတွက် အခွင့်ကောင်းဗျာယ် မလားယေ။ နတန်ညာဟု အတွက် အင်အားသုံးတတ်တေ
သူ့ လီကု(ဒ်)ပါတီ၏ ၀ါဒတိမ်းစောင်းမှု ကို အဆုံးသတ်နိုင်ဖို့ ။ နောက်ပြီးကေ အင်္ဂါနိန့်  (၁၀.၂.၂၀၀၉)မှာ ကျင်းပဖို့ ဟိမ့်ရေ ပါလီမန်ရွေးကောက်ပွဲမှာ ဦးဆောင်နိုင်ဖို့ အတွက် အခွင့်သာနီဗျာယ်။

သူနန့် အရင်က နိုင်ငံရေး မိတ်ရင်းဖြစ်ခရေ အဘီဒေါ လစ်ဘာမန်း (Avigdor Lieberman) က မဲဆန္ဒရှင်တိ ကို လီကု ပါတီ၏ နိုင်ငံရေးလက်ယာစွန်းကို ဆွဲဆောင်ယူလခကေလေ့သော့၊ နတန်ညာဟု ကတော့ခါ နိုင်ငံခြားရေးဝန်ကြီး တိစိပိ လီနီ (Tzipi Livni)၏ ဗဟိုဝါဒီ ဖြစ်တေ ကဒီမာ ပါတီ (Kadima party)ကို ကျော်တက်လားဗနာ၊ အီစရေး ပါလီမန် (Knesset) မှာ
ညွန့် ပေါင်းအစိုးရ ဖွဲ့ နိုင်ဖို့ အလားအလာ မှာ ဟိမ့်ရေ။

နတန်ညာဟု သည် အမေရိကန် နိုင်ငံမှာ ဘွဲ့ ရခရေ ပညာတတ်ဖြစ်တေ။ ထင်ရှားကျော်ဇောရေ ဇီယွန်ဝါဒီ ပညာရှင် တစ်ယောက်၏ သားလည်း ဖြစ်တေ။ အဂု အသက် ၅၉ နှစ်ဟိမ့်ပါဗျာယ်။ အဂုအချိန်အခါ မှာ နတန်ညာဟု သည် လီကု ပါတီက အရိုးစွဲ နီရေ အယူအဆ တစ်ခု မမှန်ကြောင်းကို ပြသဖို့ ပြန်လာပါလိမ့်မေ။ ယင်းအယူအဆက ဇာလေးဆိုကေ- သိမ်းပိုက်ထားခရေ အာရပ်နေမြေ တိကို တစ်ယောက်သဘောတူညီချက်လေ့ မပါပဲနန့် 
လက်လွတ်ပလိုက်စွာရေ အီစရေး နိုင်ငံကို အသိအမှတ် မပြုရေ အီစလန်အကြမ်းဖက်သမားတိ ကို ပိုလို့  ရဲဝံအောင်လုပ်ပလိုက်စွာ နန့် တူရေ လို့ ဆိုပါရေ။