နတန်ညာဟု ကဒီမာ နန့် မတွဲနိုင်

အာဏာရဖို့ အခွင့်သာနီရေ နတန်ညာဟုသည် ကဒီမာ ပါတီနန့် ပေါင်းစပ်ဖို့ အခွင့်မသာဖြစ်တေအခါ၊ နောက်တက်လာဖို့  အီစရေး အစိုးရသည် အမြင်ကျိုင်းမြောင်းရေ ရှေးရိုးစွဲ သမားတိ နန့် ပေါင်းဗနာ ညွန့် ပေါင်းအစိုးရ ဖွဲ့ လားဖို့ ပုံစံမြင်နီရရေ။

လက်ဟိ နိုင်ငံခြားရေး ၀န်ကြီးဖြစ်တေ ကဒီမာပါတီခေါင်းဆောင် ချီပီ လီနီ နန့် အစည်းဝေးထိုင်ပြီးရေ အခါ နတန်ညာဟုက သတင်းထောက်တိကို ပြောစွာက - ညီညွတ်ရေး ရဖို့ အတွက် ကံမကောင်း အကြောင်းမလှ အငြင်းခံရပါရေ။ တူညီရေ အမြင်နန့် စီစိုင်စရာဟိစွာတိကို စီစဉ်ဖို့ လက်တွဲချိတ်ဆက်ထားရေ အဖွဲ့ ဖွဲ့ စည်းဖို့ ကို ငြင်းပယ်လိုက်ကတ်ပါရေ- လို့ ပြောပါရေ။

ချီပီ နန့် စည်းလုံးရေး ရဖို့ ချင်ခြင်းမျိုး မမြင်ခရပါ။

အီစရေး နိုင်ငံ၏ တစ်ခြား ပါတီတစ်ခုဖြစ်တေ လေဘာပါတီ ကတော့ခါ နတန်ညာဟု၏ လီကုတ် ပါတီနန့် ညွန့် ပေါင်းဖွဲ့ ဖို့ ကို အလိုရှိကြောင်း ပြောပြလခပါရေ။
ချီပီက ပြောစွာက တော့ တစ်မျိုး။ နတန်ညာဟုရေ ပါလက်စတိုင်းတိနန့် ညှိနိုင်းရေး လုပ်ရဖို့ ဆိုရေ ဂန်ဒကို လက်မခံနိုင်သူပါ။ ပါလက်စတိုင်းနန့် ညှိနိုင်းကေ ပါလက်စတိုင်းနိုင်ငံ ထူထောင်ဖို့ ကိစ္စကို ရောက်ဟိ လာနိုင်ပါဖို့ လတ်။

နိုင်ငံနှစ်ခု တည်ထောင်ဖို့ ကြွေးကြော်သံက အနှစ်မဟိရေ စကားက မဟုတ်ပါ။ အီစရေး နိုင်ငံက ဒီမိုကရေစီကျကျ နန့် လွတ်လပ်တေနိုင်ငံ အဖြစ်တည်ဟိနီဖို့ အတွက် ဒေကိစ္စက တစ်ခုတည်းသော လမ်းဖြစ်ပါရေ လို့ ချီပီက ပြောလားပါရေ။